Prostatitin müalicəsi - prostatit mualicesi - prostat mualicesi

Prostatit ― 35-55 yaşlı kişilərin 35-40%-ində müşahidə olunan prostat vəzin kəskin və ya xroniki iltihabıdır. Pasiyentin yaşı nə qədər çox olarsa, xəstəliyin yaranma riski də bir o qədər yüksək olar. Bir çox kişi bu diaqnozu sanki bir hökm kimi qəbul edir, çünki prostatitin ən çox yayılmış fəsadları ― cinsi zəiflik, erkən boşalma, sonsuzluq və sidikçıxarma problemləridir. Prostatitin müalicəsinə vaxtında başladıqda onun ağırlaşmalarının qarşısını almaq və dayanıqlı remissiyaya(əlamətsiz dövr) nail olmaq mümkün olur.

Prostatit, yoxsa prostat adenoması?
Bu iki xəstəliyi çox vaxt qarışıq salırlar və ya bir xəstəlik kimi qəbul edirlər. Əslində isə, onlar fərqli mahiyyətə və gedişat xarakterinə malik olan xəstəliklərdir.

Prostatitin müalicəsi
Prostatitin qarşısını almaq onu artıq yarandıqdan sonra müalicə etməkdən qat-qat daha asandır. Bunun üçün aşağıdakı tövsiyələrə riayət etmək kifayətdir:

• Hər il müayinədən keçmək, hətta əhvalınızla bağlı şikayətləriniz olmadıqda belə.
• İdmanla məşğul olmaq. Müntəzəm fiziki yüklənmələr bütün orqanizmdə, o cümlədən prostat vəzində mübadilə proseslərinin yaxşılaşmasına kömək edir.
• Nizamsız (təsadüfi) cinsi əlaqələrdən imtina etmək. Müntəzəm cinsi həyat, kişi sağlamlığı üçün çox vacibdir, lakin cinsi partnyorların tez-tez dəyişdirilməsi infeksion xəstəliklərə və onların nəticəsində yaranan ağırlaşmalara səbəb ola bilər.
• Balanslaşdırılmış qidalanma. Gündə minimum 3 dəfə qidalanmaq lazımdır. Rasiona yağsız balıq və ət növləri, sıyıqlar, süd məhsulları, təzə meyvə və tərəvəzləri daxil etmək lazımdır. Qazlı içkilərin, yağlı və hisə verilmiş yeməklərin, xəmirli və ədvalı yeməklərin qəbulunu məhdudlaşdırmaq və ya onlardan tamamilə imtina etmək tövsiyə olunur.
• Zərərli vərdişlərdən imtina etmək. Alkoqol qəbulu və siqaretçəkmə immuniteti zəiflədir və orqanizm üçün əlavə yük yaradaraq bir çox xəstəliklərin yaranmasına əlverişli şərait yaradır.

Kəskin prostatitin müalicəsi
Antibakterial terapiya. Antibiotikləri təyin etməzdən əvvəl həkim infeksiyanın törədicisini müəyyən etmək üçün pasiyentə analizlər təyin edilir. Bundan sonra xəstəlik törədən mikroorqanizmlərin aktivliyini yatırmağa və iltihabi prosesi aradan qaldırmağa kömək edən preparatlar seçilir.
Simptomatik müalicə. Əlavə olaraq androloq ağrıkəsici, sidikqovucu, işlətmə, vitamin, immunomodullaşdırıcı və digər preparatları təyin edə bilər.

Xroniki prostatitin müalicəsi
Antibakterial terapiya. Müalicə kursu 14―28 gün təşkil edir və onu sonadək tamamlamaq lazımdır, hətta xəstəliyin əlamətləri bir həftədən sonra yoxa çıxsa belə. Antibiotiklər infeksiyanı aradan qaldırmaq və orqanizmdə iltihabi prosesləri yatırmaq məqsədilə təyin edilir.
Simptomatik müalicə. Göstərişlərdən asılı olaraq, androloq pasiyentə ağrıkəsici, spazmolitik, iltihabəleyhinə, immunomodullaşdırıcı, vaskulyar və digər preparatlar təyin edə bilər.
Fizioterapevtik müalicə. Göstərişlərdən asılı olaraq, androloq elektrostimulyasiya, lazer- və ya maqnit terapiyası təyin edə bilər. Prosedurlar qan dövranını yaxşılaşdırır, iltihabəleyhinə təsir göstərir, reproduktiv funksiyanın bərpasına kömək edirlər.

Müəllif: Dr. Orxan Ağabəyov